शुक्रवाः निसें स्कुल चालीगु

आन्दोलनरत शैक्षिक गणतान्त्रिक मञ्चं निन्हु न्ह्य: निसें देयन्यंक बन्द यानावयाच्वंगु विद्यालय शुक्रवाः निसें चालीगु जूगु दु ।

बिहीवाः सरकार व आन्दोलनरत नेपाल शैक्षिक गणतान्त्रिक मञ्च दथुइ जूगु वार्ताय् सरकारं आन्दोलनरत शिक्षकतय् माग कार्यान्वयन यायेगु प्रतिवद्धता प्वंकेवं विद्यालय चालीगु जूगु खः । वार्ताय् सरकारी वार्ता पुच शिक्षकतय् मागया बारे सकारात्मक खनेदुगु खँ वार्ता सहभागि मञ्चया उपाध्यक्ष होमकुमार थापां जानकारी बियादिल ।

सरकार व मञ्च दथुइ हानं शुक्रवाः शिक्षकतय् मागया बारे वार्ता जुइगु जूगु दु । शुक्रवाः न्हिनय् झिंनिताः ईलय् शिक्षा मन्त्रालयलय् वार्ता यायेगु सहमित निगूलिं पक्ष प्वंकूगु दु ।