सरकार व सिसडोलबासीत दथुइ सहमित

स्वनिगःलय् छवाः न्ह्यःनिसें मुंगु फोहोर शुक्रावाः सुथंय् निसें उठे याइगु जूगु दु ।

बिहीवाः सरकार व आन्दोलनरत सिसडोलया स्थानीयबासीत दथुइ खुगू बुँदे सहमति जुइवं शुक्रवाः नं निसें फोहोर उठे याइगु जूगु खः । स्थानीय विकास मन्त्रालयलय् जूगु वार्ताय् सरकारं आन्दोलनरत स्थानीयबासीतय् संस्था फोहरमैला व्यवस्थापन सरोकार समितिया अधिकांश माग सम्बोधन यायेगु प्रतिबद्धता प्वंकूगु खः ।

समितिं स्थानीय लँ निर्माण, अस्पताल निर्माण लगायत भौतिक पूर्वाधार निर्माण व ल्यान्डफिल्ड साइटया निंतिं न्हूगु विकल्पया माग याःगु खः । समितिं थीथी माग तया फोहोर वायेमबीवं छवाः निसें स्वनिगःया सतकय् फोहोरया द्वं मुनाः सतक छगुलिं दुर्गन्धित जुयाच्वंगु खः ।