राप्रपा नेपालया ज्याझ्वलय् वाईसिएल आक्रमण
राष्ट्रिय प्रजातन्त्र पार्टी नेपालं बिहीवाः चिप्लेढुङ्गाय् याःगु हस्ताक्षर अभियानय् वाईसियलं आक्रमण याःगु दु ।
आक्रमणय् लाना राप्रपा नेपालया जिल्ला अध्यक्ष देवीजंग गुरुङ गम्भीर घाःपा जूगु दु । अथेहे आक्रमणय् लाना जिल्ला इकाईया अध्यक्ष लालबहादुर मल्ल नापं जिल्ला कार्यकर्ता दण्डीराज आचार्य, अमिर मिया, रामबहादुर तमाङ व सकुरण मिया घाःपा जूगु दु । घा:पा जुपिंत स्थानीय मोडेल अस्पतालय् वास: याकात:गु दु ।
हिन्दु राष्ट्र, संवैधानिक व राजसंस्तथाया निंतिं देयन्यंक न्ह्याकूगु ज्याझ्वः कथं बिहीवाः चिप्लेढुङ्गाय्य् या:गु हस्ताक्षर अभियानय् वाईसिएलं हस्तक्षेप यानाः आक्रमण याःगु खँ राप्रपा नेपालं धाःगु दु । घटना नियन्त्रण यायेत वपिं प्रहरी व वाईसिएलया कार्यकर्तात दथुइ नं ल्वापू जूगु खः । प्रहरी नापया झडपय् लाना वाईसिएलया जिलला अध्यक्ष सुशिल देवकोटा नापं प्यम्ह प्रहरी घाःपा जूगु दु ।
