छम्ह मन्त्री थप

मन्त्रिमण्डल विस्तार यायेगु श्रृंखलां अर्न्तगत बुधवाः हानं छम्ह मन्त्री थप जूगु दु ।

नेकपा संयुक्तया नेता ठाकुरप्रसाद शर्मां बुधवाः सपथ ग्रहण यानादीगु दु । नेकपा संयुक्तया सचिवालय दुजः व संगठन विभाग प्रमुख नं जुयादिम्ह मन्त्री शर्मायात वातावरण तथा विज्ञान प्रविधि मन्त्रालयया जिम्मेवारी ब्यूगु दु ।

बुधवाः राष्ट्रपति भवन शितल निवासय् प्रधानमन्त्री माधवकुमार नेपालं राष्ट्रपति डा. रामवरण यादवया उपस्थितिइ मन्त्री शर्मायात सपथ ग्रहण याकादीगु खः । खुक्वःगु खुसी विस्तार जूगु मन्त्रिमण्डलया ल्या स्वीस्वम्ह थ्वंगु दु ।

(किपा :- http://www.madhavnepal.com)