बस दुर्घटनाय् पीम्ह घाःपाः
येँ (सन्ध्या टाइम्स)/यलया कोटडाँडां लगंख्यःपाखे वयाच्वंगु छगः बस दुर्घटनाय् लानाः पीम्ह यात्रु घाःपाः जूगु दु। बा. १ ख १५२० नम्बरया बस सतकं बुँइ कुतुं वनाः ४० म्ह घाःपाः जूगु खः। घाःपाः जूपिं मध्यय् झिंन्याम्हेसिया अवस्था गम्भीर जुयाच्वंगु खँ धाःगु दु ।
घाःपाः जूपिंत यलया बी एन्ड बी, अल्का अस्पताल व येँया वीर अस्पतालय् वासः याकातःगु दु। दुर्घटनाया बारे पूर्ण विवरण धाःसा मवःनि।
