येँय् मुंगु फोहोरं अस्पतालय् विरामी अप्वल

येँ (सन्ध्या टाइम्स)/येँया थीथी थासय् वंगु छुं न्हिनिसें मुंगु फोहोरया कारणं अस्पतालय् विरामी अप्वःगु खँ सम्बन्धित निकायं धाःगु दु। फोहोर मुनेगु लिसें मदिक्क वा वयाच्वंगुलिं लःया कारणं विरामी अप्वया वनाच्वंगु खँ धाःगु दु। फोहोरया कारणं टाइफाइड, जन्डिस व झाडाबान्ताया ल्वगित नं अप्वया वंगु खँ धाःगु दु। उखे सिसडोलय् हाकनं फोहोर वायेगु निंतिं थौं नं स्थानीय वासिन्दा व सरकार दथुइ वार्ता जुइत्यंगु दु। सरकारं फोहोर व्यवस्थापन यायेत ३ करोड बजेट बीधुंकूगु दुसा स्थानीय जनतां अन्तर्राष्ट्रिय मापदण्ड कथं फोहोर व्यवस्थापन यायेमाःगु माग यानाच्वंगु दु ।