गृहमन्त्री पाखें कोइरलायात विशेष सुरक्षा योजना बारे जानकारी

गृहमन्त्री भीम रावलं पुलांम्ह प्रधानमन्त्री व नेपाली कांग्रेसया सभापति गिरिजाप्रसाद कोइरलायात विशेष सुरक्षा योजनाया विषयलय् जानकारी बियादीगु दु ।

बुधवाः व्यवस्थापिका संसदय् न्ह्यब्वइगु विशेष सुरक्षा रणनीतिया बारे जानकारी बीत गृहमन्त्री रावल सुथय् कोइराला निवास महारजगंज थ्यंकादीगु खः । वयेकलं सरकारं सुरक्षा व्यवस्था सुदृढ यायेत ह्येत्यंगु सुरक्षा योजनाय् दुथ्याकात:गु न्यागू बुँदे विषेश सुरक्षा रणनितिया बारे कोइरालायात ध्वाथुइकादीगु खः ।

वंगु आइतवाः मन्त्रिपरिषद राजनीतिक समितिया बैठकं पारित याःगु विषेश सुरक्षा रणनीतिइ शान्ति सुरक्षा व्यवस्था सुदृढ यायेत सतक अवरोध नियन्त्रण यायेगु विशेष योजना अन्र्तगत ज्या यायेगु खँ न्ह्यथंनातःगु दु ।