देयन्यंकया संस्थागत स्कुल बन्द

गणतान्त्रिक शैक्षिक मञ्चया आव्हानय् बुधवाः निसें स्वन्हु तक देयन्यंकया उच्च मावि तकया शैक्षिक संस्थात बन्द जूगु दु ।

एकीकृत नेकपा (माओवादी) निकटया मञ्चं सरकार नाप न्हापा जूगु सहमति व उच्चस्तरीय शिक्षा आयोगया सुझाव कार्यान्वयनया माग यासें स्वन्हु तक उच्च माध्यमिक विद्यालय व प्याब्सन व एन प्याब्सन सम्बद्ध दक्वं संस्थात विद्यालय बन्द यायेगु निर्णय याःगु खः ।

मञ्चया दुजःत व शिक्षा मन्त्री दथुइ मंगलवाः सहमति जुइमफेवं मञ्चं स्वन्हुन्यंकया बन्दया घोषणा याःगु खः ।