वा वयाः उडान प्रभावित
येँ (सन्ध्या टाइम्स)/वंगु निन्हु न्ह्यवंनिसें मदिक्क वयाच्वंगु वां यानाः स्थलगत यातायात जक मखु येँ व पोखरा विमानस्थलया आपालं हवाई उडानत नं प्रभावित जूगु दु।
वा वयाच्वंगुलिं पोखरां येँ व जोमसोमया नियमित उडान प्रभावित जूवंगु खः ।
मौसम बांलायेवं उडान जुइ धाःसां मौसमय् सुधार मवःगुलिं विमानस्थलय् पियाच्वंपिं यात्रुत मर्काय् लानाच्वंगु दु।
मौसम सुधार जुइवं उडान जुइ धकाः आपालं यात्रुत विमानस्थलय् वयाः घन्टौं पियाः नं लिपा उडान जुइ मखुत धायेवं लिहां वनेगु यानाच्वंगु खँ नं धाःगु दु ।
पोखरा विमानस्थलय् थौंकन्हय् थीथी खुगू विमान कम्पनीं न्हिं झिंच्यागू नियमित उडान यानाच्वंगु दु ।
थुखे येँय् वा वयाः मौसम बांलाः मजूगुलिं आपालं उडान प्रभावित जुयाच्वंगु दु। यात्रुत घण्टौं पियां नं विमान मब्वयेवं लिहां वने मालाच्वंगु दु ।
