संसदया गतिरोध चीकेत स्वंगू दल सहमत
एकीकृत नेकपा (माओवादीं) शान्ति सम्झौता विपरित सरकारं भारतं ल्वाभः न्यायेत्यंगु धासें यानावयाच्वंगु संसदया गतिरोध चीकेत प्रमुख स्वंगु दलत दथुइ सहमति जूगु दु । माओवादीं ल्वाभः प्रकरण बारे प्रधानमन्त्री संसदय् लिसः बीमाःगु धासें संसद गतिरोध यानावयाच्वंगु खः ।
सत्तारुढ नेकपा (एमाले), नेपाली कांग्रेस व प्रमुख प्रतिपक्षी दल माओवादी दथुइ जूगु सहलहलय् प्रधानमन्त्रीं संसदय् सम्बोधन यायेगु प्रतिबद्धता प्वंकेवं माओवादीं संसदया गतिरोध चीकेत सहमत जूगु खः ।
प्रधानमन्त्रीं थःगु सम्बोधनय् ल्वाभः प्रकरण नापं मध्य पश्चिमय् न्यनाच्वंगु झाडापखाला व उपराष्ट्रपतिया सपथ ग्रहणया खँ नं दुथ्याकेगु सहमित जूगु दु । सहलहलय् कांग्रेसया उपसभापति रामचन्द्र पौडेल, प्रमुख सचेतक लक्षमण घिमिरे, माओवादीया देव गुरुङ, पोष्टबहादुर बोगटी व एमालेया भिम आचार्य लगायत नेतातयसं ब्वति काःगु खः ।
