वा वयाः कोशी बाः वल
येँ (सन्ध्या टाइम्स)/म्हिगःनिसें मदिक्क वा वयेवं कोशीया लःया वहाव अप्वःगु खँ सीदुगु दु। विज्ञतय् कथं कोशीइ थ्व निदँया दुने दकलय् अप्वः लः बाः वःगु खः।
थौं सुथय् यानास्वःगु लःया मापन कथं लःया बहाव प्रति सेकेन्ड २ लाख ३४ हजार २१० क्युसेट जूगु खँ जल उत्पन्न प्रकोप नियन्त्रण कार्यालय विराटनगरं धाःगु दु ।
कोशीइ खुसिबाः अप्वयेवं उकिया स्थलगत निरीक्षणया निंतिं कार्यालय प्रमुख ध्रुबकुमार श्रेष्ठ सहितया न्हय्म्हेसिया पुचः उखेपाखे वंगु दु। सप्तकोशीया लःया बहाव फयेगु क्षमता ९ लाख ५० हजार क्युसेट खःसां नं संरचना पुलांगु व फिया मात्रा अप्वःगुलिं खतरा दुगु खँ सम्बन्धित विज्ञतय्सं धाःगु दु ।
