खुसिं चुइकाः च्याम्ह सित
येँ (सन्ध्या टाइम्स)/धनुषाया कमला खुसिइ थौं सुथय् स्वम्ह मिसा मस्तय्त चुइका यंकूगु दु। खुसिं चुइकूपिं स्वम्हेसियां शव थौं प्रहरीं लुइकेधुंकूगु दु। महाद्यः पुजा यानाः लिहां वयेगु झ्वलय् उमित खुसिं चुइकूगु खः। सीपिं मध्यय् छम्हेसिया जक सनाखत जूगु दु। सीम्ह छम्ह १४ दँया बबिता साह खः। उपिं सबलें बोल बम यात्राय् सहभागी जुयाच्वंपिं तीर्थयात्रीत खः ।
उखे सिराहाय् म्हिगः बहनी कमला खुसिइ म्वःल्हू वंपिं न्याम्ह मनूयात नं चुइका यंकूगु दु। न्याम्ह मध्यय् प्यम्हेसिया लाश लुइकेधुंकूगु दुसा छम्हेसित मालाच्वंगु दनि। सीपिं मध्यय् महोत्तरीया रामप्रकाश महतोया सनाखत जुइधुंकूगु दुसा मेपिनि सनाखत मजूनि ।
