थुगुसीया पंचवीर सिरपाः घोषणा
येँ (सन्ध्या टाइम्स)/बौद्ध धर्म सम्बन्धी 'सन्ध्या टाइम्स' न्हिपती पिहां वइगु उत्कृष्ट च्वसुयात बीगु याना वयाच्वंगु पंचवीर सिरपाः थुगुसी च्वमि मय्जु प्रेमलक्ष्मी तुलाधर व भाजु मदनमुनि वज्राचार्ययात बीगु क्वःछिउगु दु ।
मय्जु तुलाधरया 'बुद्ध धर्मय् मैत्रीया बल' व भाजु वज्राचार्यया 'प्राणी मात्राया संघर्र्ष' विषयक च्वसुया निंतिं उगु सिरपाः बीत्यंगु खः ।
अथे हे युवा बौद्ध समूह व लुम्बिनी बुद्ध धर्म सोसाइटी यु.के.या मंकाः ग्वसालय् जूगु 'बुद्ध धर्म व कलह समाधान' विषयक निबन्ध प्रतियोगिताया लिच्वः नं घोषणा जूगु दु। प्रतियोगिताय् अम्बिका शाक्य न्हाप, सुनिता साय्मि लिउ व संगिता शाक्य लियां लिउ लाःगु खः ।
थ्व निगुलिं सिरपाः थीथी ज्याझ्वः यासें लःल्हायेगु ग्वसाः दुगु खँ ग्वसाः खलकं धाःगु दु ।
