सोमवाःया संसद सूचं तिका स्थगित
स्वंगू दलया बैठक निष्कर्ष बिहीन
प्रधामन्त्रीं संसदय् संवोधन यायेगु विषयलय् सहलह यायेत च्वंगु प्रमुख स्वंगू दलया शीर्ष नेतातय् बैठक विना निष्कर्ष क्वचायेवं सोमवाःया व्यवस्थापिका संसदया बैठक सूचं किता स्थगित जूगु दु । बैठक मंगलवाः न्हिनय् छताः ईलय् तकया निंतिं स्थगित याःगु दु ।
प्रधानमन्त्री माधवकुमार नेपालया आव्हानय् सोमवाः च्वंगु बैठकय् प्रधानमन्त्रीया संबोधनया विषयलय् सहलह जुसां माओवादीं शान्ति प्रकृया तार्किक निष्कर्षय् मथ्यंतल्ले सरकारं भारत पाखें ल्वाभ मह्येग प्रतिबद्धता प्वंकेमाःगु अडान कायेवं बैठक निष्कर्षविहीन जूगु खः ।
बैठकलिपा माओवादी संसदीय दलया नेता नारायणकाजी श्रेष्ठ 'प्रकाशं' सरकारं बैठकय् ल्वाभ न्यायेगु तयारी जुयाच्वंगु मदु धासां प्रधानमन्त्रीं थुकी बारे प्रतिबद्धता मप्वंकूतल्ले थःपिं सहमतिलय् मवेगु धयादिल ।
अथेहे उर्जामन्त्री डा. प्रकाशशरण महतं सम्बोधनया विषयलय् प्रधानमन्त्रीं थप परामर्श याना दक्वसियां भावना दुथ्याकाः जक संसदय् सम्बोधन यानादीगु स्पष्ट यानादिल । मन्त्री महतं थुकीया बारे सहलह यायेत स्वंगू दलया बैठक हानं च्वनीगु धयादिल ।
प्रमुख प्रतिपक्षी दल माओवादीं प्रधानमन्त्री संसदय् ल्वाभ प्रकरणया बारे स्पष्ट लिसः मब्यूतल्ले संसद अवरुद्ध यायेगु धयाच्वंगु दु ।
