बेलायती अभिनेत्री लुम्ले नेपालय्

भुतपूर्व बेलायती गोर्खा सैनिकतय् अधिकार प्राप्तिया आन्दोलनय् ग्वाहालि यानावयाच्वंम्ह बेलायती अभिनेत्री जोहना लुम्ले सहितया पुचः आइतवाः नेपाः भ्रमणय् वःगु दु ।

अभिनेत्री लुम्ले नापं बेलायती लिवरेशन डेमोक्रयाटिक पार्टीया नेता पिटर क्यारेल, गोर्खा न्यायीक नाप आवद्ध पुचःया कानुन व्यवसायीत व संचारकर्मीत दुथ्याःगु स्वीखुम्हेसिया पुचः आइतवाः नेपाः थ्यंकूगु खः ।

संयुक्त ब्रिटिस गोर्खा भुतपूर्व सैनिक संघ नेपालं लुम्ल, क्यारेल व कानुन व्यवसायीतय्त सोमवाः येँय् सम्मान याइगु ज्याझ्वः दु । अथेहे लुम्ले नापंया पुचलं राष्ट्रपति डा. रामवरण यादव व प्रधानमन्त्री माधवकुमार नेपालयात नं नापलाइगु ज्याझ्वः दु ।

पुचलं धरान, पोखरा व कांकडभित्ता भ्रमण याना भुतपूर्व गोर्खा सैनिकत नाप सहलह याइगु ज्याझ्वः नं दु ।