फोरमया आधिकारिकता यादव पक्षयात

निर्वाचन आयोगं उपेन्द्र यादव पक्षया मधेशी जनअधिकार फोरमयात मान्यता ब्यूगु दु । विजयकुमार गच्छदार पक्षयात धासाः मेगू दल दर्ता यायेत आदेश ब्यूगु दु ।

आइतवाः आयोगं यादव पक्षयात पार्टीया आधिकारिक मान्यता बिधुंकाः आयोगया कार्यवहाक प्रवक्ता निकण्ठ उप्रेतीं विवाद पैरवी, सहलह यानाः इजलासपाखें निर्णय यानाःगु धयादिल । वयेकलं न्हिच्छि दुने दक्वं प्रमाण जुटेयाना अन्तिम निर्णय याना:गु धयादिल ।

वर्तमान सरकारय् ब्वति कायेगु वा मकायेगु विषययात कयाः फोरम विभाजन जूगु खः । फोरमया वीरगंजय् सम्पन्न लिप्पांगु महाधिवेशनय् स्वीन्याम्ह केन्द्रीय समिति दुगु खसाः गच्छदार पक्षयात कारवाही लिपाः यादवं पीनिम्हसिया केन्द्रीय समिति देयेकूगु खः ।