तामसालिङ नाप बुधवाः हानं वार्ता जुइगु

सरकार व आन्दोलनरत तामसालिङ मंकाः संघर्ष समिति दथुइ हानं बुधवाः वार्ता जुइगु जूगु दु ।

शान्ति मन्त्रालयलय् आइतवाः जूगु वार्ताय् सरकारी प्रतिनिधिं गृहकार्य मगाःगु धासें ई फ्वनेवं बुधवाः हानं वार्ताय् च्वनेत सहमति जूगु खः । वार्ता लिपा शान्तिमन्त्री रकम चेम्जोङं न्हापाया सरकार नाप जूगु झिंगुंगू बुँदे सहमतिया बारे मेमेगु मन्त्रालय नाप समन्वय यायेमाःगुलिं ई माःगु धयादिल ।

मंकाः संघर्ष समितिं वार्ता पाखें सहमति मजूतल्ले आन्दोलन जारी तयेगु खँ धाःगु दु । न्हापाया सरकारनाप जूगु सहमति कार्यान्वयन व तासालिङ स्वायत राज्यया माग यासें संघर्ष समितिं झिगू जिल्लाय् आन्दोलन यानावयाच्वंगु दु ।