सरकार व व्यवसायी दथुइ सहमति
येँ (सन्ध्या टाइम्स)/थःपिनि क्षति जूगु गाडीया क्षतिपूर्ति माग यासें स्वन्हु न्ह्यवंनिसें आन्दोलन याना वयाच्वंगु पुचः व सरकार दथुइ यातायात संचालन यायेगु निंतिं सहमति जूगु दु ।
त्रिचन्द्र क्याम्पस न्ह्यःने व बालाजुइ माइक्रोबस तोडफोड याना बिउगु विरोधय् नेपाल राष्ट्रिय यातायात व्यवसायी महासंघं बागमती अञ्चलय् यातायात ठप्प याना वयाच्वंगु खःसा थौं निगू पक्षया दथुइ क्षति जूगु बसयात ४ लाख क्षतिपूर्ति बीगु व तोडफोडय् संलग्न ११ म्हेसित कारवाही यायेगु सहमति जुइवं यातायात सुचारु यायेत व्यवसायीत तयार जूगु खः ।
उखे रौतहटय् माओवादी कार्यकर्ताया हत्या विरुद्ध माओवादीं रौतहट, बारा व पर्सा जिल्ला बन्द याना बिउगु दु।
माओवादी कार्यकर्तातय्सं आकाझाकां बन्द याःगु कारणं आपालं गाडीत लँय् हे अलपत्रय् लानाच्वंगु दु ।
