'छगू जक पक्षयात राज्य पुनसंरचनया अधार दयेकेमज्यू'
नेपाली कांग्रेसया नेतातय्सं राज्यया पुनसंरचाना यायेगु ईलय् छगू हे जक पक्षयात आधार देयेमज्यूगु खँय् बः ब्यूगु दु ।
संघीय संरचनाया विषयय्लय् सहलह यायेत आइतवाः च्वंगु कांग्रेसया केन्द्रय समितिया बैठकय् न्ववापिं अधिकाशं दुजःतय्सं पुनसंरचना यायेवलय् छगू हे जक पक्षयात आधार दयेकूसाः मेमेगू पक्षय् ओझेलय् लायेफुगु खँ धाःगु दु । उमिसं पुनसंरचना यायेगु ईलय् भौगोलिक, आर्थिक, सामाजिक, सांस्कृतिक दक्वं पक्षया आधारय् प्रदेश बाँडफाँड जुइमाःगु खँय् बः ब्यूगु दु ।
आइतवाः नं निसें बैठकय् उपसभापति गोपालमान श्रेष्ठया संयोजकत्वय् गठन जूगु राज्य पुनसंरचना समितिया प्रतिवेदनय् सहलह न्ह्याःगु खः । थुगु समितिं केन्द्रय् निगू व राज्य प्रदेशय् छगू सदनात्मक व्यवस्थापिकाया प्रस्ताव याःगु दु । निगू मोडलया प्रस्ताव याःगु समितिं न्हापांगु मोडलय् न्ह्यगू व मेगूलि न्यागू प्रदेशया प्रस्ताव याःगु दु ।
आइतवाःया बैठकय् खुम्ह दुजःतय्सं थःथःगु बीचाः प्वंकूगु खसाः मेगू बैठक मंगलवाः सुथय् च्वनीगु जूगु दु । बैठकं राज्य पुनसंरचनाया विषयलय् कांग्रेसया आधिकारिक धारणा तय याइगु जूगु दु ।
