एमाले सभासदतय्सं थःगु हे संसदीय दलया बैठक बहिस्कार
सत्ता नेतृत्व यानाच्वंगु नेकपा (एमाले)या सभासद्तय्सं थःगु हे संसदीय दलया बैठबक बहिस्कार याःगु दु ।
आइतवाः एमाले संसदीय दलया ज्याकूथी च्वंगु बैठकय् बजेट पूर्वाग्रही जूगु धासें सभासदतय्सं संसदीय दलया बैठक अवरुद्ध याःगु खः ।
अर्थमनत्री सुरेन्द्र पाण्डेया इनापय् अध्यक्ष झलनाथ खनालं आव्हान यानादीगु बैठक आइतवाः निसें व्यवस्थापिका संसदय् सुरु जुइगु विनियोजन विधेयकया सहलहलय् सक्रिय ब्वति कायेत इनाप यायेत सःतुगु खः ।
बैठकय् सभासद्तय्सं बजेट एमालेया पक्षय् मजूगु व एमालेया ज्याझ्वः दुमथ्याकू धासें बजेटय् समर्थन यायेमफइगु धासें बैठक बहिस्कार याःगु खः । उमिसं बैठकय् प्रधानमन्त्रीं थुकीया बारे लिसः बीमाःगु मखुसाः हानं बैठक बहिस्कार यायेगु ख्याच्वः नं ब्यूगु दु ।
आइतवाः च्वंगु बैठकय् प्रधानमन्त्री माधवकुमार नेपाल व अर्थमन्त्री पाण्डे निम्हं उपस्थित जुयामदी ।
