स्वनिगःया स्वंगू पसलय् छापा
खाद्य वस्तु सुस्काःतया कृत्रिम बजाः भा बृद्धि जूगु आशंकाय् जिल्ला प्रशासन ज्याकूथीं शनिवाः स्वनिगःया थीथी स्वंगू खाद्य गोदामय् छापा मारे याःगु दु ।
पर्याप्त खाद्यान्न दुसां सुस्काःतगु स्पष्ट जुइवं प्रशासन ज्याकूं कुलेश्वरय् च्वंगु वंशल ट्रेडर्स व श्यामबाबा ईन्टरप्राईजेज व काटेश्वरय् च्वंगु छगू खाद्यान्न पसलय् छापा मारे याना सिलबन्दी नं यानाब्यूगु दु ।
प्रशासन ज्याकूथीं कालिमाटीइ च्वंगु फलफूल व तरकारी बजाःया नं अनुगमन याःगु दु । व्यापरीतय्सं कुलेश्वर, बल्खु, सिनामंगल, वाफल, कलंकी, कालिमाटी व चक्रपथ लागाःय् तधंगु परिणमय् छुंलाः न्ह्यः उपभोग्य वस्तु भण्डारण याःगु ख: । थज्याःपिं व्यापारीतय्सं बन्द, आन्दोलन, आपूर्ति म्हो जूगु ई, बजेट भाषण व तलब बृद्धि जूगु ई लाकाः तच्वकं मूल्य बृद्धि यायेगु यानाः वयाच्वंगु खः ।
न्हिया न्हिथं उपभोग ययोमाःगु वस्तुतय् बजाः भा ३० प्रतिश्तं अप्वयेवं सरकार बजाः अनुगमनयात प्रभावकारी यायेत पलाः ल्वनीगु खँ धयावयाच्वंगु खः ।
