बबन सिंह तमलोपाय्

स्वतन्त्र सभासद बबन सिंह तराई मधेश लोकतान्त्रिक पार्टीइ प्रवेश यानादीगु दु ।

शनिवाः येँय् छगू औपचारिक ज्याझ्वःलय् तमलोपाया अध्यक्ष महन्थ ठाकुरं सिंहयात लसकुस याना थःगु पार्टीया सदस्यता बियादीगु खः ।

पार्टी प्रवेश लिपा संचारकर्मीतनाप खँल्हाबंला यानादिसें सिंहं मधेश आन्दोलनयात सशक्त यायेत व मधेशी जनताया हक हितया निंतिं थः तमलोपाय् प्रवेश यानाःगु धयादिल ।

२०६२ भदौलय् येँय् त्रिपुरेश्वरय् जूगु बम काण्डया प्रमुख कथं द्वपं बियातःम्ह सिंह संविधान सभा निर्वाचनय् रौटहतं स्वतन्त्र उम्मेदवार कथं विजयी जुयादीगु खः । बम काण्डया प्रमुख कथं प्रहरीं मालाच्वंपिं दोषीतय् ढलखय् वयेकया नां नं दुसां सिंह खुलेआम जुयाच्वंगु दु ।