वाईसियलया केन्द्रीय दुजया हत्या

एकीकृत नेकपा (माओवादी)या भातृ संगठन वाईसियलया केन्द्रीय दुजः लक्ष्मण यादवयात तराईया छगू सशत्र पुचलं गोली क्येकाः स्यानाब्यूगु दु ।

माओवादी भोजपुरा राज्य समितिया नं दुजः जुम्ह यादवया सीम्ह रौतहट विश्रामपुर-४य् थःगु हे छेँ नापसं लूगु खः । तराई मुक्ति मोर्चां हत्याया जिम्मेवारी काःगु दु । शनिवाः न्हिनय् हे यादवयात गोलीः क्येकूगु खः ।

प्रहरी चौकी स्वयां २सय मिटर उखे जूगु घटनाय् यादवयात स्वंग गोली क्येकूगु खः । स्वीगुदँया यादवया हत्या लिपाः प्रहरी उगु क्षेत्र व्यापक प्रहरी परिचालन याःगु खँ धाःगु दु ।