एमालें सरकारयात दबाब बीगु

एमाले स्थायी कमिटीया बैठकं पश्चिम नेपाःलय् न्यंगु झाडापखाला नियन्त्रण व महंगी नियन्त्रणया निंतिं सरकारयात प्रभावकारी भूमिका निर्वाह याकेत ध्यानाकर्षण याकेगु निर्णय याःगु दु ।

एमाले महासचिव ईश्वर पोखरेल कथं शुक्रवाः च्वंगु स्थायी कमिटीया बैठकं पार्टी अध्यक्ष झलनाथ खनालया राजनीतिक प्रतिवेदनयात प्रकासित यायेगु निर्णय नं याःगु दु ।

एमालेया मू ज्याकू बल्खुइ च्वंगु स्थायी कमिटीया बैठकं पार्टीया थीथी विभाग प्रमुखतय्सं सिफारिस याःगु नांत नं अनुमोदन याःगु दु ।