भागबण्डा मिलेयायेत निम्ह मुख्य सचिव
भागबण्डा मिलेयायेत सरकारं निम्ह मुख्य सचिव तइगु जूगु दु ।
मन्त्रिपरिषद प्रशासनिक समितिया शुक्रवाः च्वंगु बैठकं प्रशासनिक प्रमुखया कथं दइगु मुख्य सचिव सरह राष्ट्रपतिया ज्याकूथीइ पद सिर्जना यायेगु निर्णय याःगु दु । समितिं बढुवाया निंतिं सिफारिस सचिवतय् नां नं चयन याःगु दु ।
खाली जुयाच्वंगु नीनिम्ह सचिवतय् पदया निंतिं खुइखुम्हसिया नां प्रस्तावित जुयाच्वंगु खसा: प्रशासनिक समितिया शुक्रवाः च्वंगु बैठकं नीनिम्ह सचिवतय् नां क्वछीगु दु । अथेहे प्यम्ह कायममुकायम सचिव तयेगु निर्णय नं समितिया बैठक लिपा उपप्रधान व भौतिक योजना व निर्माणमन्त्री विजयकुमार गच्छदारं जानकारी बियादिल । वयेकलं सचिव चयन यायेवलय् कार्यक्षमता, दुर्गम व समावेशीकरणयात आधार देयेकीगु धयादिल ।
थ्व निर्णय शुक्रवाः च्वनीगु मन्त्रिपरिषदया बैठकं अनुमोद याइगु जूगु दु ।
