स्वनिगःया सतकय् हानं फोहोरया द्वं मुन

ओखरपौवा ल्यान्डफिल्ड साइतया स्थानीय वासिन्दातय्सं बिहीवाः निसें फोहोर वाकेगु मबीवं स्वनिगःया सतकय् हाकनं फोहोरया द्वं मुने सुरु जूगु दु ।

स्थानीय वासिन्दां सरकार व संघर्ष समिति दथुइ जूगु सम्झौता पूर्णरुपं कार्यान्वयन यायेमाःगु व ओखरपौवाय् अव्यवस्ति रुपं फोहोर वायेगु यानाच्वंगु धासें अन फोहोर वाकेगु हानं बन्द याना बिउगु खः ।

बिहीवाः हे सरकार व अनःया स्थानीय बासिन्दा दथुइ वार्ता जुसां छुं सहमति धासाः जुइ मफुत । शुक्रवाः नं वार्ता जुइगु जूगु दु तर सरकारी पक्षं धासाः थौंया वार्ता नं उपलब्धीपूर्ण जुइगु खँ शंकाः प्वंकूगु दु ।