माओवादीया बैठक शुक्रवाः नं स्थगित

एकीकृत नेकपा (माओवादी)या केन्द्रीय समितिया बैठक शुक्रवाः नं स्थगित जूगु दु । सोमवाःया बैठक लिपाः स्वक्वः तक स्थगित जुइधुंकूगु बैठक शुक्रवाः स्वनिगःलय् सार्वजनिक यातायात चलेमजुइगुलिं स्थगित जूगु खः । माओवादीया अध्यक्ष पुष्पकमल दाहाल 'प्रचण्ड'या राजनीतिक प्रतिवेदनय् केन्द्रीय व पोलिटब्यूरो दुजःतय्सं टिप्पणी यायेगु ज्या सोमवाः हे क्वचायेधुंकूगु दुसाः लिसःया निंतिं अध्यक्षं गृहकार्य मगाःगु धासें बैठक स्थगित जुयावयाच्वंगु खः ।