संवैधानिक निकाय नं भागबन्डा !
येँ (सन्ध्या टाइम्स)/थीथी आयोगय् प्वनाच्वंपिं प्रमुखया नियुक्ति यायेगु निंतिं थौं संवैधानिक परिषदया बैठक च्वनेत्यंगु दु ।
राजनीतिक पार्टीतय् दथुइ ब्वलनाच्वंगु विवादया कारणं लोकसेवा आयोग, निर्वाचन आयोग, अख्तियार दुरुपयोग आयोग व महालेखा परीक्षकया प्रमुखपिं नियुक्त जुइ मफयाच्वंगुलिं उकियात थौं अन्तिम रुप बीत थ्व बैठक च्वनेत्यंगु खः ।
बैठकं लोकसेवा माओवादीयात, निर्वाचन आयोग एमालेयात व अख्तियार कांग्रेसयात बीगु निर्णय याये फइगु खँ धाःगु दु। तर महालेखा धाःसा सुयात बीगु धइगु निर्णय मजूनि ।
उखे २२ म्ह सचिवतय् वढुवाया निंतिं थौं मन्त्रिपरिषद् प्रशासनिक समितिया बैठक नं च्वनेत्यंगु दु ।
थौं च्वनीगु परिषद् बैठकं वढुवा समितिं सिफारिस याःपिं ६६ मध्ये २२ म्हेसित सचिवय् वढुवा याइ ।
