हानं फोहोर वाके मबिल
येँ (सन्ध्या टाइम्स)/ ओखरपौवा ल्यान्डफिल्ड साइतया स्थानीय वासिन्दां थिनंनिसें येँया फोहोर वाकेगु हानं बन्द याना बिउगु दु ।
अव्यवस्ति रुपं लाथेपाथे फोहोर वायेगु यानाच्वंगुलिं स्थानीय जनताया स्वास्थ्यय् बांमलाक लिच्वः लाःगु धासें थनिनिसें फोहोर वायेगु ज्या बन्द याना बिउगु खः ।
स्थानीय वासिन्दां सरकार व संघर्ष समितिया दथुइ जूगु सम्झौता कार्यान्वयन यायेमाःगु अन्तर्राष्ट्रिय स्तरं
फोहोर व्यवस्थापन यायेमाःगुआदि माग यानाः फोहोर वाके मबिउगु खः । उमिसं थःपिंसं ल्ह्वनाच्वनागु माग प्याकेजया रुपय् पूवंकेत नं माग याःगु दु ।
फोहोर वाके मबीवं थौं स्थानीय वासिन्दा व मनपाया दथुइ वार्ता यायेगु तयारी जुयाच्वंगु खँ सीदुगु दु ।
वइगु छुं न्हि लिपा हे मुख्य सचिव सहित वार्ता यायेगु ई क्वःछिनातःगु खःसां थौं स्थानीय जनतां आकाझाकां फोहोर वाके मबिउगु खँ धाःगु दु । ओखरपौवाय् वंगु स्वदँया दुने स्थानीय जनतां २०५ न्हु फोहोर वाके मबीधुंकूगु दु ।
