चिनियाँतय्सं गज्याःगु ला नइ ?
येँ (सन्ध्या टाइम्स)/ थौंकन्हय् चिनियाँतय्सं नेपाःपाखें म्येय्या ला चीनपाखे यंकेगु यानाच्वंगु दुसा उमिसं यंकीगु लाया प्रकार खनाः धाःसा स्वयम् ला व्यापारीत हे अजूचायाच्वंगु दु ।
सम्बद्ध व्यापारीतय्सं धाःकथं चिनियाँतय्सं म्येय्या लाया मेमेगु ब्व सिबें नं नलू ला, नसा, छ्वं, गःपःपाखेया मुरुमुरु क्वँय् व सःपु यक्व यंकाच्वंगु दु ।
उकिसनं त्वानालय् च्वंगु नसा, छ्वं व मुरमुर क्वँय्या लागिं अप्वः हे ध्यबा पुलेगु यानाच्वंगु दु ।
व्यापारीतय् कथं त्वानाः छपुया ४० तका तू तर चिनियाँतय्सं उलि हे दां पुलाः नं त्वानालय् च्वंगु नसा जक यंकाः मेगु धाःसा अथें त्वःताथकी ।
अथे हे सामान्यतयाः न्ह्याक्व दायेकूसां बुके थाकु धाइगु छ्वं नं उमिसं गंका यंकेगु यानाच्वंगु दुसा म्येया क्वसं च्वंगु घःपःया छकुचा ब्वयात नं उमिसं १५ तका पुलेगु यानाच्वंगु दु ।
म्येय्या लाया थुपिं ब्व उमिथाय् तसकं माग दुसा उकी मध्ये नं सःपूया माग दकलय् अप्वः दु। सःपू कायेत धाःसा चिनियाँ व्यापारीत म्येय् स्याइगु थासय् हे वनेगु यानाच्वंगु खँ नं सीदुगु दु ।
थ्व दां नेपालं न्यानाः तप्यंक चीन हे यंकेगु यानाच्वंगु दु गुकियात उमिसं अन थीथी कथंया परिकार दयेकाः नयेगु याइ ।
