सचिव बढुवा थौं तिनि

येँ (सन्ध्या टाइम्स)/सचिवतय् वढुवा बारे निर्णय यायेत थौं मन्त्रिपरिषद बैठक च्वनेत्यंगु दु। म्हिगः च्वंगु प्रशासनिक समितिया बैठकय् बढुवा बारे विवाद ब्वलनेवं थौं मन्त्रिपरिषद हे च्वनाः उकिया निर्णय यायेत्यंगु खः। थौंया बैठकय् सर्वोच्च अदालतं सफाइ बिउम्ह राष्ट्र बैंकया गभर्नर विजयनाथ भट्टराईया बारे नं निर्णय याये फइगु खँ धाःगु दु। बैठकं झाडाबान्तां पीडित लागाय् विशेष राहतया प्याकेज नं घोषणा यायेफु धाःगु दु। अथे हे प्रहरी अधिकृततय् ३० वर्षे सेवा अवधियात कयाः नं निर्णय याये फइगु खँ धाःगु दु ।