संविधानसभाय् ज्या मदु
येँ (सन्ध्या टाइम्स)/संविधानसभाया थीथी समितिं थःपिनि सुझाव दयेकेगु ज्या क्वचायेके मफयेवं संविधानसभाय् थनिंनिसें छुं हे ज्या मजूगु सीदुगु दु ।
संविधानसभाया थीथी न्हय्गू समितिं थःपिनि सुझाव दयेकेगु ज्या क्वचायेके मफयेवं थुकथं संविधानसभा ज्या मदुगु खँ सीदुगु दु ।
थीथी इलय् सुझावत च्वये मफयेवं न्याक्वः तक संविधान च्वयेगु कार्यतालिका हिलेधुंकूगु दु ।
आः संविधानसभाया थीथी स्वंगू समितिं थःपिनि सुझावयात अन्तिम चरणय् थ्यंकेधुंकूगु खँ धाःगु दु ।
थीथी समितिं इलय् ज्या पूमवंकूगुलिं संविधान च्वयेगु ज्याय् तकं लिच्वः लाये फइगु खँ धाःगु दु। इलय् सुझाव तयार याये मफुगु कारणं यानाः हे गुलिखे राजनीतिक पार्टी दथुइ विवाद ब्वलनाच्वंगु खँ नं धाःगु दु ।
