नवदुर्गा गणया प्याखं स्यनीपिं गुरुपिं ल्यल
ख्वप(सन्ध्या टाइम्स)/ ख्वपया नांजाःगु नवदुर्गा द्यः गण जुइपिंत प्याखं स्यनेगु निंतिं न्याम्ह गुरुपिं ल्यःगु दु । नवदुर्गा द्यःछेँय् विधिवत रुपं पूजा यानाः न्याम्ह गुरुपिं ल्यःगु खः। उगु ज्याया निंतिं पुलांपिं गुरुपिं सन्तकुमार वनमाला, भक्तलाल वनमाला व नारायणभक्त वनमाला ल्यःगु खः। अथेहे न्हूपिं गुरुपिंपाखें दयाराम वनमाला व शिवभक्त वनमाला ल्यःगु दु ।
थ्वहे झ्वलय् नवदुर्गा गणया ल्वापुयात कयाः न्ह्यानाच्वंगु स्थानीय प्रशासन नापया वार्ताय् माओवादी कार्यकर्तातय्सं हस्तक्षेप याःगु द्वपं वःगु दु। नवदुर्गा द्यः गणनाप सम्बन्धित ल्वापुइ माओवादी कार्यकर्तातय्सं हस्तक्षेप यानाः ल्वापु मिले यायेत स्वःगु खँ ख्वपय् चर्चाया विषय जुयाच्वंगु दु ।
