तामसालिङपाखें न्यागू जिल्ला बन्द

तामसालिङ मंकाः संघर्ष समितिं आव्हान याःगु बन्दया कारणं बुधवाः धादिङ लगायत न्यागू जिल्लाया जनजीवन प्रभावित जूगु दु ।

बन्दया कारणं चितवन, धादिङ, मकवानपुर लगायत जिल्लाया जनजिवन प्रभावित जूगु दु । चितवनय् बन्दकर्ता व प्रहरी दथुइ ल्वापू जुयाः न्ह्यम्ह प्रदर्शनकारीत घाःपा जूगु दुसाः झिंच्याम्ह प्रदर्शकारीतय्त प्रहरीं ज्वनां यंकूगु दु ।

समितिं जातिय आधारय् स्वायत्त राज्य घोषणा यायेमाःगु, मातृभाषा शिक्षाया निंतिं बजेट फ्यायेमाःगु, तामसालिङ चक्रपथया निंतिं बजेट फ्यायेमाःगु, चैत २९ गते सरकारनाप जूगु सहमति कार्यान्वयन यायेमाःगु लगायत माग यानाः बन्दया आव्हान याःगु खः ।

समितिं सरकारनाप जूगु सहमति कार्यान्वयन मजूसाः थप आन्दोलनया ज्याझ्व घोषणा यायेगु ख्याच्वः ब्यूगु दु ।