माओवादीया बैठक स्थगित

बुधवाः च्वनीगु धाःगु एकीकृत नेकपा (माओवादी)या केन्द्रीय समितिया बैठक बिहीवाः तकया निंतिं स्थगित जूगु दु ।

माओवादी अध्यक्ष पुष्पकलम दाहाल 'प्रचण्ड'या राजनीतिक प्रतिवेदनय् सहलह जुयाच्वंगु बैठकय् बुधवाः अध्यक्ष प्रचण्डं दुजःतय् न्ह्यसःया लिसः बीगु ज्याझ्वः क्वछीनातःगु खः । माओवादी प्रवक्ता दिनानाथ शर्माया कथं आवश्यक गृहकार्यया अभाव जूगु धासें बैठक स्थगित याना:गु धयादिल ।

सोमवाः च्वंगु माओवदीया बैठकय् दक्वं दुजःतय्सं थःथःगु धापू त्येधुंकूगु दुसाः आः अध्यक्ष प्रचण्डं उकीया लिसः बी ल्यंदनी । अध्यक्ष प्रचण्डं गृहकार्यया निंतिं थप छन्हु फ्वनेवं बैठक बिहीवाः तकया निंतिं स्थगित याःगु खः ।