सशस्त्र पुचःया मेम्ह नेता स्यात

तराई रष्ट्रिय मुक्ति सेनाया पूर्वी कमाण्डर व सैन्य संयोजक आकाश त्यागी प्रहरीं जवाफी कारवाही यानाः बुधवाः सुथय् स्याःगु दु ।

जनकपुर नगरपालिका वडा नम्बर ७य् च्वंगु बसविट्टी चौकीपाखें ३ सय मिटर पश्चिमय् नियमित प्रहरी गस्ति पुचःलय् याःगु आक्रमण लिपाः प्रहरीं क्येकूगु गोलीं लानाः त्यागी सीगु खः । प्रहरीं क्येकूगु प्यंगः गोली त्यागीयात लाःगु खसाः जनकपुर अञ्चल अस्पतालय् वसःयाकाच्वंगु ईलय् त्यागी मदुगु खः ।

राम कुमार यादव नां जुम्ह त्यागी नापं विपं मेपिं स्वम्ह धाःसा बीस्यूवंगु खँ धनुषा प्रहरीं धाःगु दु । प्रहरीं त्यागी नापं न्यागू राउण्ड गोली, सुतली बम, प्रेस विज्ञप्क्ति, मोबाइल लगायत सामान लुइकूगु दु ।