संविधान लिपा जक समायोजन ?

खुलाया दुने सेना समायोजनया ज्या क्वचायेकेमाः धकाः हाला जूपिं माओवादीतय्सं आः न्हूगु संविधान च्वयेगु ज्या क्वमचाःतले सेना समायोजनया ज्या याये मजिउनि धयाहःगु दु। शान्ति सम्झौता कथं नं संविधान च्वयेगु ज्या न्ह्यः हे सेना समायोजनया ज्या क्वचायेके माःगु खः। तर आः वयाः माओवादीं संविधान च्वयेगु ज्या क्वचायेधुंकाः जक सेना समायोजनया ज्या न्ह्याकेमाली धइगु बिचाः पित बियाहःगु दु। वर्तमान सरकारं माओवादीयात चित्त बुझे जुइ कथं सेना समायोजन याइगु सम्भावना खने मदुगुलिं अविश्वासपूर्वक माओवादीं थ्व प्रस्ताव तःगु खँ सूत्रं धाःगु दु ।