थौं अरनिको राजमार्ग बन्द
येँ (सन्ध्या टाइम्स)/ स्वायत्त ताम्सालिङ राज्यया माग यासें ताम्सालिङ संयुक्त संघर्ष समितिं थौं अरनिको राजमार्ग व वीपी राजमार्ग बन्द यात। बन्दया झ्वलय् ताम्सालिङया कार्यकर्तातय्सं भ्वँत, धौख्यः, पाँचखाल आदि थासय् प्रदर्शन यानाच्वंगुलिं अन गाडी बन्द जुयाच्वंगु दु ।
बन्द आह्वानकर्तातय्सं बन्दया इलय् गाडी चले यात धकाः कान्तिपुर पब्लिकेसनया छगः गाडीयात भ्वँतय् तोडफोड याना बिउगु दु ।
उखे गाडी तोडफोडय् संलग्न जूगु धासें प्रहरीं ताम्सालिङ संयुक्त संघर्ष समितिया कार्यकर्ता रुप योन्जनयात ज्वना यंकूगु दु। समितिं चैत्र २९ गते सरकारलिसे सहमति लागू यायेत माग यानाच्वंगु दु ।
