स्कूल बस कुतुं वनाः २३ म्ह विद्यार्थी घाःपाः

ख्वप(सन्ध्या टाइम्स)/ थौं सुथय् छगः स्कूल बस दुर्घटना जुयाः २३ म्ह विद्यार्थी घाःपाः जूगु दु। विद्यार्थी कयाः पारागन बोर्डिङ स्कूलया बा. १ ख ९८९६ नम्बरया बस ख्वपया सुडाल गाविसय् वा ब्वय् कुतुं वंगु खः ।

घाःपाः जूपिं मध्यय् विद्यार्थी मिलन साखःया अवस्था गम्भीर जुयाच्वंगु खँ सीदुगु दु। साखः नापं मेपिं स्वम्हेसित बी एन्ड बी अस्पतालय् वासः याकातःगु दु। बस चालकयात प्रहरीं ज्वंगु दु ।