कर्मचारीतय् स्वार्थया कारणं संस्थान धरासायी : अर्थमन्त्री
अर्थमन्त्री सुरेन्द्र पाण्डें कर्मचारीतय् स्वार्थया कारणं सरकारी संस्थानत धरायसायी जूगु द्वपं बियादीगु दु ।
मंगलवाः राष्ट्रिय वाणिज्या बैंकयाय् ग्वसाःग्वःगु छगू ज्याझ्वलय् न्ववासें मन्त्री पाण्डें जनताया नांमय् युनियन गठन यानाः कर्मचारीतय्सं व्यक्तिगत फाइदा कयाच्वंगु धासें ज्या यायेगु शैली परिवर्तन यायेमाःगु धयादिल । वयेकलं नकतिनि कर्मचारीतय्सं तलब बृद्धिया माग यासें याःगु आन्दोलन प्रति लक्षित यासें कर्मचारीत ज्या यायेगु पलेसा आन्दोलन यानाच्वंगु द्वपं बियादिल ।
ज्याझ्वलय् मन्त्री पाण्डें निजी कन्पनीत फाइदाय् वनाः दँय् करोडौं राजश्व पुलाच्वंगु ईलय् संस्थान धरासायी जुइमाःगु कारण छु धकाः न्ह्यसः तयादिल । संस्थानयात धरासायी यायेत सकृय जुयाच्वंगु गिरोहयात निष्कृय यायेत प्रशासन बल्लाके माःगु धासें वयेकलं न्हूगु बजेट सामाजिक न्यया पाखे लक्ष्ति जूगुलिं कार्यान्वयान पक्ष बल्लाइगु दाबी यानादिल ।
