प्रचण्डं बुधवाः लिसः बीगु
एकीकृत नेकपा (माओवादी)या जारी केन्द्रीय समितिया बैठकय् केन्द्रीय दुजःतय्सं न्यंगु न्ह्यसःया लिसः पार्टी अध्यक्ष पुष्पकमल दाहाल 'प्रचण्डं' बुधवाः बीयादीगु जूगु दु ।
सोमवाः बैठकय् केन्द्रीय दुजःतय्सं न्ववायेगु क्रम सिधेवं बुधवाः अध्यक्ष प्रचण्डं लिसः बियादीगु जूगु दु । सोमवाः न्ववापिं दुजःतय्सं आः पार्टीया कार्यदिशा जनविद्रोह जुइमाःगु खँय् बः ब्यूगु दु । सोमवाः बैठकय् दुजःत अमिक शेरचन, कृष्ण बहादुर महरा, गिरिराजमणि पोखरेल, लिलामणि पोखरेल लगायत नेतातय्सं थःथःगु बीचाः प्वंकूगु खः । अथेहे आइतवाः न्ववापिं दुजःतय्सं नं पार्टीया आः न्हूगु कार्यदिशा जनविद्रोह जुइमाःगु खँय् बः ब्यूगु खः ।
बैठकय् दुजःतय्सं आः न्हूगु पार्टी देयेकेत सामुहिक नेतृत्व आवश्यक जूगु धासें खरिपाटी भेला निसें आः जारी बैठकया कार्यप्रगति बारे विश्लेषण याये जरुरी जूगु खँ तःगु खः । अथेहे छुं नेतातय्सं अध्यक्ष प्रचण्डं न्ह्यब्वःगु राजनीतिक प्रतिवेदन संशोधन यानाः थःपिसं ल्वंगु मागत दुथ्याकेमाःगु माग याःगु दु ।
