सरकार गिरिजाप्रसाद कोइरालां हे क्वथलीगु यादवया दाबी

मधेशी जनअधिकार फोरमया अध्यक्ष उपेन्द्र यादवं वर्तमान सरकार सत्तारुढ नेपाली कांग्रेसया सभापति गिरिजाप्रसाद कोइराला हे क्वथलीगु दाबी यानादीगु दु ।

सोमवाः बुटवलय् जूगु छगू साक्षतकार ज्याझ्वलय् न्ववायेगु झ्वलय् अध्यक्ष यादवं वर्तमान सरकारं राष्ट्रया छुं नं समस्या समाधान यायेमफइगु खँ न्ह्यथंसें सरकार क्वथलेत अनुभवी कोइरालां हे सरकार क्वथलीगु समाचार छुं दिं दुने हे वइगु दाबी यानादिल । वयेकलं मेपिनिगु तुतां चुयाः गठन जूगु सरकार राष्ट्रिय सरकार जुइमफइगु धयादिल ।

राष्ट्रिय सहमतिया राष्ट्रिय सरकारया विकल्प मदुगु धासें यादवं वर्तमान प्रधानमन्त्रीया नेतृत्वय् थंज्याःगु सरकार निर्माण असम्भव जूगु धयादिल । वयेकलं फोरमयात निगू टुक्रा यानाः सरकार निर्माण यागुलिं नं आःया सरकारं राष्ट्रिय सरकारया योग्यता तंकूगु धयादिल ।