रक्षामन्त्री भारत भ्रमणय्

रक्षामन्त्री विद्या भण्डारी सोमवाः खुन्हुन्यंकया भारत भ्रमणय् झायादीगु दु । रक्षामन्त्री भण्डरीया समकक्षी ए.के. एन्टोनीया ब्वनाये वयेक सोमवाः न्हिनय् भारत प्रस्थान यनादीगु खः ।

रक्षामन्त्री नापं रक्षामन्त्रालय व परराष्ट्र मन्त्रालयया अधिकारीत दुथ्याःगु भ्रमणय् निगू देय् दथुइया आपसी हितया विषयस सहलह याइगु ज्याझ्वः दु । अथेहे भ्रमणया झ्वलय् भारतं न्हापा नेपाःयात बियावयाच्वंगु सैन्य ग्वाहालि हाकनं सुचारु यायेगु बारे नं सहमति जुइफुगु खँ सीदुगु दु ।

अथेहे रक्षामन्त्री भण्डारीं भारत भ्रमण यायेन्ह्यः प्रधनसेनापति रुकमांग कटवाल नापं वरिष्ठ सैनिक अधिकारीत नाप नापलाना ल्वाभ न्यायेगु बारे सहलह यानदीगु खः ।