'सेनाय् मखु समाजय् समायोजन'
येँ (सन्ध्या टाइम्स)/माओवादी जनसेनायात नेपाली सेनाय् समायोजन याये मजिउगु खँ नेपाली कांग्र्रेसया सभापति व पुलांम्ह प्रधानमन्त्री गिरिजाप्रसाद कोइरालां धयादीगु दु।
थौं सुथय् येँय् लिहां वये न्ह्यः विराटनगरय् पत्रकारत लिसे खँ ल्हासें वय्कलं उगु खँ धयादीगु खः । 'माओवादी जनसेनायात सेनाय् मखु समाजय् समायोजना यायेमाः' वय्कलं धयादिल ।
माओवादीया अध्यक्ष व माओवादी प्रति थःगु विश्वास म्हो जुया वनाच्वंगु खँ कनादिसें वय्कलं माओवादी सरकारय् मवःसां सरकार क्वःमदलीगु दावी नं यानादिल।
'थ्व सरकार संविधान दयेकेगु ज्या क्वमचाःतले निरन्तर रुपं न्ह्याइ', वय्कलं न्ह्यःने धयादिल। वय्कः थौं हे येँय् लिहां झाःगु दु ।
