तरकारीया अनुगमन

येँ (सन्ध्या टाइम्स)/बजारय् तरकारीया भाः थहां वनेवं कृषि मन्त्रालयं तरकारी बजाःया अनुगमन यायेत्यंगु दु। उकिया निंतिं मन्त्रालयं थीथी पुचः दयेकाः बजारय् अनुगमन यायेत्यंगु खः। बजारय् थोक व खुद्रा मूल्यया दथुइ वयाच्वंगु अन्तरयात कयाः मन्त्रालयं अनुगमन यायेत्यंगु खः। वा मवयाः समस्या वयेवं तरकारीया भाः थहां वंगुलिं मन्त्रालयं थुकथं अनुगमन यायेत्यंगु खँ धाःगु दु। तरकारी भाःयात कयाः मन्त्रालयं यायेत्यंगु अनुगमन थ्व हे न्हापांगु खः ।