जनतान्त्रिकया अध्यक्ष स्यात
येँ (सन्ध्या टाइम्स)/ मधेश राष्ट्र जनतान्त्रिक पार्टी (क्रान्तिकारी) या अध्यक्ष मेनेजर महतो धइम्ह रामनारायण महतो प्रहरीया कारवाहीलय् लानाः सीगु दु। म्हिगः बहनी सिराहाय् गस्तिइ वनाच्वंगु प्रहरीयात मोटरसाइकलय् वयाच्वंगु पुचलं गोलीं कयेकेवं प्रहरीं याःगु जवाफी कारवाहीलय् लानाः महतो सीगु खँ प्रहरीं धाःगु दु।
उखे जनतान्त्रिक पार्टीं धाःसा महतोयात भारतय् म्हिगः जुयाच्वंगु छगू बैठकस्थलं हे प्रहरीं ज्वंगु खँ धाःगु दु। भारतीय प्रहरीं ज्वनाः म्हिगः हे महतोयात नेपाल प्रहरीयात लःल्हाःगु व थौं सुथय् वयात 'इनकाउन्टर' याकाः स्याःगु द्वपं पार्टीं बिउगु दु। माओवादी सरकारया पालय् थ्व पार्टी नं वार्ताय् वयाः सरकारलिसे छगू चरण वार्ता नं यायेधुंकूगु खः ।
