ख्याती हत्याराया वकिलतय्त ख्याच्वः

येँ (सन्ध्या टाइम्स)/छात्रा ख्याती श्रेष्ठया हत्या याःम्ह वीरेन श्रेष्ठया पक्षं वहस यायेत नियुक्त जूपिं वकिलतय्त नापं ख्याच्वः वयाच्वंगु खँ सीदुगु दु। शुक्रवाः वीरेन श्रेष्ठ व मेम्ह अभियुक्त मेरिना शाक्ययात अदालत यंकूबलय् उमित सर्वसाधारण जनतां आक्रमण यायेत स्वःगु खः। उमित अन प्रहरीं बचे याःसां वया वकिलतय्त धाःसा ख्याच्वः वयाच्वंगु खँ सूत्रं धाःगु दु ।