देश व जनताप्रति बफादार जुइत प्रधानसेनापतिया निर्देशन

न्हापाया सरकारं बर्खास्त यानाः हाकनं पुनस्थापित जुम्ह प्रधानसेनापति रुक्माङगत कटवालं नेपाली सेनाया मर्यादाय् च्वनाः देश व जनताप्रति बफादार जुइत सैनिक जवानतय्त निर्देशन बियादीगु दु ।

येँया ढल्कुइ झिंस्वन्हु न्ह्यः तुंथिइ कुतुं वंम्ह मचाया उद्धार यायेगु झ्वलय् सीम्ह सैनिक जवान दिनेश श्रेष्ठया परिवारयात ग्वाहालि कथं ध्यबा बिइगु झ्वलय् वय्कलं उगु खँ धयादीगु खः ।

काभ्रेया पनौति १ चौकोट थ्यंम्ह प्रधानसेनापति कटवालं श्रेष्ठया छेँज:यात प्यंगू लाख च्ययेन्याद्धः तका ग्वाहालि याःगु खः ।

थ्व स्वयां न्ह्यः काभ्रेय् दुगु रुद्रध्वज गणय् आइतवा: सुथय् सेनाया अधिकृत व जवानतय्त निर्देशन ब्यूसें प्रधानसेनापति कटवालं सुयागु नं खँ मन्यंसे संविधान प्रति पूर्णरुपं इमान्दार जुइत निर्देशन बियादीगु खः ।