कडा नीति अबलम्बन याइगु

गृह राज्यमन्त्री रिजवान अन्सारीं अपराधिक गतिविधिइ सक्रिय जूपिंत संरक्षण याइपिंत कडा नीति अबलम्बन यायेगु खँ धयादीगु दु ।

आइतवा: मधेश तराई फोरमं येँ याःगु अर्न्तक्रियाय् न्वंवानादिसें अन्सारीं शान्ति सुरक्षा कडाईया नीति पालना यायेत/याकेत सरकारं छु नं कसर मल्यंकेगु धयादीगु दु ।

अपराधीत, प्रहरी व दलतय्गु हे संरक्षण दुगु कारण दण्डहीनता अप्वःगु धासें वय्कलं अज्याःगु मयायेत फुक्कसित ख्याच्वः बियादीगु दु ।

ज्याझ्वलय् सभासद बबन सिंहं सरकारया हे कारण अपराधिक गतिविधि अप्वःगु द्वपं बियादीगु खः । सीमा क्षेत्रय् प्रहरी प्रशासनया मिलेमतोय् अपराधिक ज्यात जुयाच्वंगु टिप्पणी यानादिल ।