नेपाल वायु सेवा निगमं न्ह्य्गः न्हूगु विमान न्याइगु
पर्यटन तथा नागरिक उड्डयनमन्त्री शरदिसंह भण्डारीं नेपाल वायु सेवा निगमं न्यादँया दुने न्ह्य्गः न्हूगु विमान न्यायेगु धयादीगु दु ।
आइतवा: रिपोर्टस्र क्लब नेपालया साक्षात्कारय् न्वंवानादिसें मन्त्री भण्डारीं भिजिट नेपाल २०११ यात दृष्टिगत यानाः विमान न्यायेगु तयारी जुयाच्वंगु धयादीगु ख: । सरकार हे ग्यारेन्टी च्वनीगु जूगुलिं ध्यबा मिलय् यायेफइगु वय्कःया धापू दु ।
निगः विमान न्यायेगु निंतिं टेण्डर आव्हान याः कथं निगू कम्पनि व निगू एजेन्टं आवेदन ब्यूगुलिइ कम्पनियात प्राथमिकताय् तःगु धयादीगु दु । कम्पनितय्सं विमान गुलि याकनं उपलब्ध याइ उलि याकनं वइगु वय्कःया धापू दु । बोइङ व एयरबस निगू कम्पनिया आवेदनयात जुलाइ महिना दुने क्वःछुइगु वय्कलं खुलासा यानादीगु दु ।
वय्कलं चितवनय् दुगु होटल व रिसोर्टत चायेकेत सरकारं प्रक्रिया न्ह्यःने न्ह्याकेधुंकूगु नं जानकारी बियादीगु दु ।
